Bakı. 4 mart. REPORT.AZ/ Sloveniya Parlamenti ölkədə eynicinsli nikahlara icazə verən qanun layihəsinin lehinə səs verib.
"Report" "Franc-Press"ə istinadən xəbər verir ki, qanun layihəsini 51 deputat dəstəklədiyi halda, cəmi 28 millət vəkili onun əleyhinə çıxıb.
"Bu düzəliş nikahı cinsiyyətindən asılı olmayaraq iki insanın ömürlük birliyi kimi müəyyən edir və bununla da indiyədək mövcud olan ayrı-seçkiliyi ləğv edir", - deyə "Birləşmiş solçular" müxalifət partiyasının deputatı Matey Vatovets parlamentə təqdim etdiyi sənədə aydınlıq gətirərkən bildirib.
Təqribən 2 minə yaxın insan parlament binası qarşısına toplaşaraq qanun layihəsinin qəbuluna etiraz edib.