Bakı. 9 yanvar. REPORT.AZ/ Rusiyanın Arxangelsk vilayətinin səmasında meteorit yerə çatmamış yanıb.
Bu barədə "Report" TASS-a istinadən xəbər verir.
"Yanvarın 8-də gecə saatlarında Arxangelsk vilayətində sıx atmosfer qatlarında meteorit yanıb. O, yerə qədər gəlib çatmayıb. Şahidlər səmada partlayış görüblər" - vilayətin Fövqəladə Hallar Nazirliyindən bildiriblər.
Məlumata görə, bu hadisə heç bir fəsad yaratmayıb, dağıntılar və xəsarət alanlar yoxdur.