Roma Papası məhbusların ayaqlarını yuyub

Bakı. 30 mart. REPORT.AZ/ Roma Papası Fransisk məhbusların ayaqlarını yuyub.

"Report" xəbər verir ki, bu barədə "Vatikan Radiosu" məlumat yayıb.

Məlumatda bildirilir ki, Vatikan rəhbəri 12 məhbusun ayağını yuyub. Pontifikin bu xidmətini "Regina Coeli" həbsxanasında keçdiyi bildirilir.

Qeyd edək ki, mərasim ildə bir dəfə həyata keçirilir. Romanın bütün katolik kilsələrinin keşişləri bu mərasimi həyata keçirirlər. Keşişlər ayaqları yuduqdan sonra öpürlər.