​Professor: "Gəlinciklər qız uşaqlarını passivləşdirir"

Bakı. 7 sentyabr. REPORT.AZ/ Kembric Universitetinin professoru Dame Athene Donald oyuncaq gəlinciklərin qız uşaqlarını elmdən uzaqlaşdırdığını açıqlayıb. 

"Report"un məlumatına görə, professor bunun yerinə qız uşaqlarının leqolarla oynamasının onların yaradıcılığını inkişaf etdirəcəyini bildirib: "Qız uşaqlarının oyuncaqları onları passivləşdirir. Leqo ilə xəyal gücünü inkişaf etdirmək və yaradıcı düşünmək əvəzinə, "Barbi"nin saçını darayırlar". 

Dame Athene Donald bunun qız uşaqlarının həyatlarının irəliləyən illərində elm sahəsində bir kariyera seçmə ehtimalını aşağı saldığını vurğulayıb.