Moskvada qış aylarında rekord istilik qeydə alındı

Ötən gün Rusiyanın paytaxtı Moskvada qış aylarında havanın temperaturu mütləq rekord vurub.

“Report” RİA “Novosti”yə istinadən xəbər verir ki, bunu “Fobos” Hava Mərkəzinin mütəxəssisi Evgeni Tişkovets bildirib.

“Dünən Moskvada qeydə alınan havanın temperaturu 95 il bundan əvvəlki rekordu yenilədi. Burada temperatur müsbət 4,7 dərəcəyə çatıb, sonuncu dəfə rekord 1925-ci ildə müsbət 3,7 dərəcəyə çataraq yenilənmişdi”, - Y.Tişkovets söyləyib.