Yuxarı

​"Microsoft"un həmtəsisçisi köpək balıqlarının həyatının tədqiqinə 4 milyon dollar ayırıb - VİDEO

Bu, dünyada mərcan riflərində yaşayan köpək balıqlarının ilk qlobal videotədqiqatı olacaq

Bakı. 10 İyul. REPORT.AZ/ "Microsoft"un həmtəsisçisi köpək balıqlarının həyatını tədqiq edəcək "Global FinPrint" layihəsinə 4 milyon dollar ianə ayırıb.

"Report" xəbər verir ki, layihə avqust ayında start götürəcək, hesablamalar üç il ərzində aparılacaq.

Tədqiqatçılar suda 10 metrdən 100 metrədək dərinlikdə kameralar yerləşdirəcəklər.

Hər bir kamera qarşısında kiçik qəfəsin içərisində yem qoyulacaq. Əgər bu müddət ərzində yaxınlıqdan köpək balığı və skat keçərsə, yemin qoxusu onları kameraya doğru cəlb edəcək.

Təşkilatçılar "Global FinPrint" layihəsini dünyada mərcan riflərində yaşayan köpək balığı və skatların ilk qlobal videotədqiqatı adlandırırlar. Onlar bu şəkildə dünya sularında yaşayan bu balıqların sayı barədə məlumat toplayacaqlarına ümid bəsləyirlər. Alimlər ümid edirlər ki, əldə ediləcək məlumatlar onlara köpək balıqları və skatları nəsli kəsilməkdən qorumaqda kömək edəcək.



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi