Yuxarı

​Məhəmməd Əli dəfn olunub - FOTO

Keyv-Hill qəbiristanlığına yalnız mərhumun ailə üzvləri və yaxınları buraxılıb

Bakı. 11 iyun. REPORT.AZ/ Dünya şöhrətli amerikalı boksçu Məhəmməd Əlinin təntənəli dəfn mərasimi keçirilib. "Report" "Associated Press"ə istinadən xəbər verir ki, minlərlə insan mərhumla vidalaşmaq üçün Luisvil şəhərinin (Kentukki ştatı) küçələrinə çıxıb.

Onun tabutu avtomobillə doğma şəhərinə gətirilib və mərhum Keyv-Hill qəbiristanlığında dəfn edilib. Vida mərasimində 16 min insan, o cümlədən mərasimdə çıxış etmiş sabiq prezident Bill Klinton, İordaniya kralı II Abdulla, Ağ Ev rəhbəri Barak Obamanın məsləhətçisi Valeri Carret iştirak ediblər.

Məhəmməd Əlinin tabutunu daşıyanlar arasında boksçu Lennoks Luis və Mayk Tayson, habelə aktyor Uil Smit də olub.

Keyv-Hill qəbiristanlığına yalnız mərhumun ailə üzvləri və yaxınları buraxılıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi