Yuxarı
    Bağlamaq

    Londonda Palmira tağının bərpa edilməsinə qərar verilib

    Yenidən bərpa ediləcək abidənin təqdimatı 2016-cı ilin aprelində Trafalqar meydanında keçiriləcək

    Bakı. 29 dekabr. REPORT.AZ/ İŞİD yaraqlılarının dağıtdığı Suriyanın tarixi abidəsi olan qədim Palmiranın bir hissəsinin Londonun Trafalqar meydanında yenidən bərpa edilməsinə qərar verilib.

    "Report" BBC-yə istinadən xəbər verir ki, partlayışdan sonra qədim şəhərin abidələrindən yalnız məbədin girişində olan iki sütun və onları birləşdirən tağ salamat qalıb. Tarixi abidənin məhz bu hissəsi Londonda bərpa olunmuş formada nümayiş olunacaq. Abidə şəkillər üzrə 3D printerin köməkliyi ilə bərpa olunacaq.

    Qeyd edək ki, bu işi Harvard və Oksford universitetləri, eləcə də Dubayda yerləşən "Gələcəyin muzeyi"nin birgə müəssisəsi olan Rəqəmsal Arxeologiya İnstitutu öz üzərinə götürüb.

    Yenidən bərpa ediləcək abidənin təqdimatı 2016-cı ilin aprelində Trafalqar meydanında keçiriləcək. Eyni tağdan Nyu-York şəhərindəki Tayms-skverdə də qurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi