Kanada sakini lotereyada 47 milyon dollar udub

Bakı. 24 dekabr. REPORT.AZ/ Kanadanın Kvebek əyalətinin adı hələ ki, məlum olmayan sakini məşhur milli "Lotto Max" lotereyasında 47 milyon dollar udub.

“Report” xəbər verir ki, bu barədə şənbə günü Kanadada sayca 10-a yaxın belə oyun keçirən "Atlantic Lottery" assosiasiyasının nümayəndələri məlumat veriblər.

Uduş biletinin fransızdilli əyalətin hansı şəhərində satıldığı hələ ki, məlum deyil. Kanada lotereyası qaydalarına əsasən, mükafatı almaq üçün təşkilatçılara uduşa düşən bileti göstərmək lazımdır.