Kambocada siqaretə taxta ovuntusu qatıldığı üçün fabrik bağlanıb

Kambocanın paytaxtı Pnompendə siqaretə taxta ovuntusu qatıldığı üçün hərbi polis tənbəki fabrikini bağlayıb.

“Report” RİA "Novosti”yə istinadən xəbər verir ki, lisenziyasız fəaliyyət göstərən fabrik bu ilin fevral ayında açıq-aşkar Çin və tanınmış brend siqaretlər istehsal edirmiş.

Bildirilib ki, fabrik rayon rəhbərliyinin polisə şikayəti əsasında bağlanıb.

Yoxlama nəticəsində fabrik möhürlənib, əmlak müsadirə olunub, müəssisənin sahibi tutulub.