Yuxarı
    Bağlamaq

    ​İngiltərədə turistlərə zooparkda nömrələr təklif olunur

    Oteldə bir gecə qalmaq 1500 aroya qədərdir

    Bakı. 31 oktyabr. REPORT.AZ/ Bristol zooparkı (Cənubi İngiltərə) turistlərə ekzotik xidmət göstərməyə başlayıb.

    "Report" xəbər verir ki, "The Lodge" adlı iki yataq otağı olan mehmanxana dünyanın ən qədim heyvanat bağının ərazisində yerləşir.

    Rəhbərlik qeyd edir ki, "The Lodge" bu qəbildən olan ilk oteldir.

    Heyvanat parkı ziyarətçilər üçün bağlandıqdan sonra şəxsi gid otel qonaqları üçün ekskursiya təşkil edir. Ekskursiya zamanı onlar pinqvin və meymunlarla tanış olur, həmçinin suitilərin, qırmızı panda və şirlərin yemlənməsi prosesində iştirak edirlər. Qonaqlar şam yeməyi zamanı eyvandan sudonuzu, tapir və begemotları izləyə, növbəti səhər isə surikatları öz əlləri ilə yemləyə biləcəklər.

    Lakin xidmət heç də ucuz deyil. "The Lodge"də qalmaq bir gecə üçün 750-1050 funt sterlinq arasında (1040-1460 avro) dəyişir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi