Yuxarı
    Bağlamaq

    Gün ərzində 800 qram meyvə və tərəvəz yemək insan ömrünü uzada bilər

    Bakı. 23 fevral. REPORT.AZ/ Gün ərzində 800 qram meyvə və tərəvəz yemək insan ömrünü uzada bilər. “Report”un xarici mətbuata istinadən ve...

    Bakı. 23 fevral. REPORT.AZ/ Gün ərzində 800 qram meyvə və tərəvəz yemək insan ömrünü uzada bilər. 

    “Report”un xarici mətbuata istinadən verdiyi məlumata görə, bu fikri alimlər apardıqları araşdırmalardan sonra irəli sürüblər.

    Tədqiqatçılar bu araşdırma üçün 22 milyon insanın yemək vərdişlərini analiz ediblər. 

    Araşdırma zamanı meyvə və tərəvəzin çox qəbul edilməsinin bəzi xəstəliklərin yaranması və inkişaf etməsi riskinin azalmasına səbəb olduğu məlum olub. Hətta alimlərin fikrincə, bu, ildə 7,8 milyon vaxtsız ölüm hallarının qarşısını ala bilər. Belə ki, gündə 200 qram tərəvəz və meyvə yemək ürək-damar xəstəliklərindən ölmək riskini 13%, xərçəngin inkişafı riskini 4%, vaxtsız ölüm riskini 15% azaltmış olur. 800 qram tərəvəz və meyvə qəbulu isə ürək-damar xəstəliklərindən ölmək riskini 28%, xərçəngin inkişafı riskini 13%, vaxtsız ölüm riskini isə 31% azaldır.

    Xərçəng xəstəliyinə qarşı yaşıl və sarı tərəvəzlər istifadə edilməsi məqsədəuyğundur. Yaxud ürək-damar xəstəliklərinin inkişafı riskini alma, armud, sitrus meyvələri azaldır.

    Bundan başqa, meyvə və tərəvəzlər insanlarda xolesterinin miqdarını azaldır, immun sistemini artırır, qan təzyiqini aşağı salmağa kömək edir.

    Ümumdünya Səhiyyə Təşkilatı isə gün ərzində (təqribən 400 qram) beş porsiya tərəvəz və meyvə yemək məsləhət görür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi