​Güclü külək 434 tonluq "Airbus"un enişi üçün çətinlik yaradıb - VİDEO

Bakı. 24 sentyabr. REPORT.AZ/ Ötən bazar Düsseldorfda hava küləkli və nəm olub və nəticədə dünyanın ən böyük sərnişin avialayneri "Airbus A380" enişə daxil olan zaman xeyli çətinliklə üzləşib.

"Report"un verdiyi xəbərə görə, təyyarə o qədər böyükdür ki, onun quyruq şaybası sözün həqiqi mənasında kadra yerləşmir.

Aerobusun quyruğunun hündürlüyü təqribən 24 metrdir. O tam yükləndiyi zaman 434 ton çəkiyə malik olur və təyyarənin eniş zamanı tam dayanması üçün 1,5 km. uzunluğunda zolaq tələb olunur. Lakin videoda küləyin təyyarəni tərpətməsi, onun o qədər də ağır olmaması təəssüratını yaradır.