Yuxarı
    Bağlamaq

    Efiopiyada unudulmuş şəhər aşkarlanıb

    Şəhərin içində XII əsrə aid məscid tapılıb
    © Courtesy İmage

    Bakı. 18 iyun. REPORT.AZ/ Britaniya arxeoloqları Efiopiyanın şərqində unudulmuş Harla şəhərini aşkarlayıblar.

    "Report"un məlumatına görə, bu barədə "BBC" xəbər yayıb.

    Xəbərdə bildirilir ki, şəhər eramızdan əvvəl X əsrdə salınıb. Şəhərin içində XII əsrə aid məscid tapılıb. Arxeoloqlar iddia edirlər ki, Harla vaxtilə nəhənglər şəhəri sayılıb.

    Britaniyanın Eksetersk universitetinin professoru Timoti İnsol bildirib ki, Harla regional sənət və ticarət mərkəzi olub. Onun sözlərinə görə, şəhərin sənətkarları bijuteriya və zərgərlik məmulatlarının hazırlanması ilə ixtisaslaşıblar.

    Harlanın əhalisi müxtəlif xalqlardan ibarət olub. Burada əcnəbilər də məskunlaşıb. 

    Arxeoloqlar sakinlərin nə ilə qidalandıqlarını öyrənmək üçün yerli qəbiristanlığın təxminən 300 cəsədinin analizini keçirəcəklər. Qazıntılar gələn il davam etdiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi