Yuxarı

Dünyanın ilk eko-məscidi Omanda açılacaq

Dünyanın ilk eko-məscidi Omanda açılacaq
Hazırda məscidin damında günəş panelləri quraşdırılır

Bakı. 10 yanvar. REPORT.AZ/ Dünyanın tamamilə "yaşıl enerji" ilə işləyəcək ilk məscidi tezliklə Omanda tikiləcək.

Bu barədə "Report" RİA "Novosti"yə istinadən xəbər verir.

"Layihənin yaradılması üzrə işlərin 90%-ni başa çatıb. Hazırda məscidin damında günəş panellərinin quraşdırılması üzrə işlər aparılır", - layihənin baş memarı Badra Əl-Hadabi bildirib.

Onun sözlərinə görə, məsciddə eyni anda 50 nəfər ibadət edəcək. Memar tikilinin ölçüsünün belə kiçik olmasını məkanın sərinləşdirmə sistemi üçün həddindən çox enerji tələb olunması ilə izah edib.

B.Əl-Hadabi bildirib ki, ölkədə istehlak edilən enerjinin böyük hissəsi sərinləşdirmə sistemi üçün istifadə olunur.  O, layihənin bütün sultanlıqda tikinti sənayesi üçün model olacağına əminliyini söyləyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi