Dünyanın ən yaşlı qadını 117 yaşında vəfat edib

Bakı. 15 aprel. REPORT.AZ/ İtaliyanın şimalında yaşayan dünyanın ən yaşlı qadını Emma Morano 117 yaşında vəfat edib.

“Report” xəbər verir ki, bu barədə yerli ANSA və “Agi” informasiya agentliklərinə istinadən “Reuters” məlumat yayıb.

Qadının öldüyünü ailə üzvləri və dostları təsdiq edib.

Morano 29 noyabr 1899-cu ildə doğulub. Onun həyatı üç əsri əhatə edib. Morano iki dünya müharibəsinin şahidi olub. Qadının yaşadığı dövrdə İtaliyada 90-dan çox hökumət dəyişib.