Dünya üzrə artıq çəkidən əziyyət çəkən ölkələrin adları açıqlanıb

Bakı. 8 oktyabr. REPORT.AZ/ Dünya üzrə artıq çəkidən əziyyət çəkən ölkələrin adları açıqlanıb. "Report" xarici mətbuata istinadən xəbər verir ki, bu barədə İqtisadi İnkişaf və Əməkdaşlıq Təşkilatı (OECD) hesabat yayıb.

Hesabata əsasən, artıq çəkidən əziyyət çəkən insanlar ən çox ABŞ-dadır. Belə ki, burada əhalinin 28,7 faizi məhz köklükdən əziyyət çəkir. İkinci yerdə 22,2 faizlə İslandiya, üçüncü yerdə isə 19,9 faizlə Türkiyə qərarlaşıb.

Az çəkili insanların yaşadığı ölkələr sırasında isə 2,4 faizlə Koreya ilk sırada yer alıb. Sonrakı yerləri 10,3 faizlə İsveçrə və İtaliya tutur.