Yuxarı
    Bağlamaq

    Çində ikinci uşağa görə ödəniş edilməsi nəzərdən keçirilir

    Sosial siyasətdəki dəyişikliklər ölkənin yaşlı əhalisinə yardım xərclərinin artması ilə bağlı narahatlıqla əlaqədardır

    Bakı. 28 fevral. REPORT.AZ/ Çin hökuməti daha çox ailənin ikinci övlad sahibi olmasını stimullaşdırmaq üçün pul formasında yardımın və ya subsidiyaların tətbiq edilməsi imkanlarını nəzərdən keçirir.

    "Report" "Vesti"yə istinadən xəbər verir ki, bu barədə Çinin səhiyyə və ailə planlaması işləri üzrə Dövlət Komitəsi nazirinin müavini Van Peyan bildirib.

    Onun sözlərinə görə, Çinin sosial siyasətindəki dəyişikliklər ölkənin yaşlı əhalisinə yardım xərclərinin artması ilə bağlı narahatlıqla əlaqədardır. Nazir müavini dövlətin demoqrafik siyasətinin korreksiyasının özünü doğrultduğunu, amma hələ də aradan qaldırılmalı olan bəzi maneələrin qaldığını bildirib.

    Qeyd edək ki, son on il ərzində demoqrafiya üzrə mütəxəssislər dəfələrlə Çin hökumətinə ölkədə doğum səviyyəsinin azalmasının gələcəkdə işçi qüvvəsinin çatışmazlığına, bunun isə uzunmüddətli perspektivdə iqtisadi artım göstəricisinin azalmasına gətirib çıxaracğı ilə bağlı xəbərdarlıq edib.

    Çin əhalisinin sayı (1,37 milyard nəfər) baxımından dünyada birinci yeri tutur. Lakin əmək qabiliyyətli əhalinin sayı (15 yaşdan 64 yaşa qədər) azalır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi