Bakı. 24 yanvar. REPORT.AZ/ Çinin cənub-qərbində aparılan qazıntılar zamanı ölçüsü canavar boyda olan susamurunun qalıqları tapılıb.
"Report" BBC-yə istinadən xəbər verir ki, alimlərin fikrincə, bu canlılar isti, rütubətli bataqlıq ərazidə 6 milyon il bundan əvvəl yaşayıblar.
"Siamogale melilutra" adlandırılan nəhəng susamurunun çəkisi təqribən 50 kq, uzunluğu isə 2 metrə yaxın olub.
Yəni sözügedən canlı hazırda ən böyük hesab edilən susamurundan olduqca böyük olub. Məsələn, nəhəng Amerika susamurunun 32 kq-a yaxın çəkisi olur.
Tapılan qalıqlar bu heyvanın güclü çənəyə və böyük köklü dişlərə malik olduğunu göstərir.