Bakı. 22 yanvar. REPORT.AZ/ Böyük Britaniyanın baş naziri Devid Kemeron tütün məmulatlarının şəkilsiz qutularda satılmasını nəzərdə tutan qanun layihəsini müzakirəyə çıxarmaq niyyətindədir.
"Report" xəbər verir ki, bu barədə "The Telegraph" nəşri məlumat yayıb.
Qeyd olunur ki, 2013-cü ildə Kemeron bu təşəbbüsə qarşı çıxıb. Çünki onun fikrincə, bu tədbirin siqaret çəkməklə mübarizədə səmərəliliyi sübut olunmayıb.
Lakin Britaniyanın səhiyyə naziri Ceyn Ellison fəallar tərəfindən dəstəklənən qanun layihəsinin müzakirəyə çıxarılmasını təkid edib.
2014-cü ildə Britaniyada siqaret çəkmək ilə bağlı yaranan xəstəliklər 100 mindən çox insanın ölümünə səbəb olub.