Yuxarı

​Bill Qeyts: "Süni intellekt bəşəriyyət üçün təhlükə mənbəyidir"

Mən başa düşmürəm axı bu niyə əksər insanları narahat etmir

Bakı. 29 yanvar. REPORT.AZ/ "Microsoft" şirkətinin yaradıcılarından biri olan Bill Qeyts bildirib ki, texnologiyaların sürətlə inkişafı bəşəriyyəti narahat etməlidir, çünki süni intellekt bizim həyatımızı dəyişə bilər.

"Report" "Business Insider" nəşrinə istinadən xəbər verir ki, internet resurslarından birində Bill Qeytsə suni intellektin insan həyatına təsiri barədə sual verilib və Qeyts cavabında bildirib ki, onun fikrincə, hazırda süni intellekt bəşəriyyət üçün təhlükə yaratmır, lakin bu, gələcəkdə dəyişə bilər.

"Mən o insanlardanam ki, superintellektin bəşər üçün təhlükə yarada biləcəyini hesab edirəm. Əvvəlcə maşınlar bizim işimizi görəcək və o qədər də ağıllı olmayacaq. Bir neçə onilliklər sonra isə maşınlar ağıllanacaqlar ki, bu da bizim üçün təhlükəli ola bilər. Mən başa düşmürəm axı bu nə üçün əksər insanları narahat etmir", - Bill Qeyts bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi