Yuxarı

Belçikada dünyanın ən böyük ekler pirojnası hazırlanıb

Belçikada dünyanın ən böyük ekler pirojnası hazırlanıb
Onun uzunluğu 676,6 metr təşkil edir

Bakı. 24 oktyabr. REPORT.AZ/ Belçikanın Vervye şəhərinin qənnadçıları uzunluğu 676,6 metr olan ekler bişiriblər.

"Report" xəbər verir ki, bu, indiyə qədər dünyada hazırlanan ən böyük ekler pirojnasıdır.

Onun bişirilməsinə 20 nəfərdən çox insan təqribən 3 saat vaxt sərf edib. Rekord notariat tərəfindən təsdiq edilsə də, müvafiq ərizə verilmədiyi üçün, o, "Ginnesin Rekordlar Kitabı"na düşə bilməyib.

Pirojnanın hazırlanmasına 70 kq. kərə yağı, 2 min ədəd yumurta, 50 kq. un və 300 litr süd sərf olunub. Ümumi dəyəri 1,5 min avro olan bütün bu inqredientlər sponsorlar tərəfindən alınıb. Bundan əldə olunacaq gəlir xeyriyyə məqsədləri üçün istifadə olunacaq.

Hazırda ən böyük eklerin hazırlanması üzrə rəsmi rekord isveçrəli çörəkçilərə məxsusdur. Onların hazırladığı pirojnanın uzunluğu 503 metr olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi