Avstraliyada dünyanın ən böyük qızıl külçəsi tapılıb

Bakı. 13 sentyabr. REPORT.AZ/ Qərbi Avstraliya ştatının "Beta Hunt" mədənində qazma işləri zamanı dünyanın ən böyük qızıl külçəsi tapılıb.

“Report” “RİA Novosti”yə istinadən xəbər verir ki, 88,9 kiloqramlıq külçədə 63,5 kiloqram saf qızılın olduğu güman edilir. 

Külçə ilkin olaraq 2 milyon dollar məbləğində qiymətləndirilib.

Qeyd edək ki, həmin külçəni tapan qazmaçı az sonra 59,69 kiloqram çəkidə daha bir qızıl külçəyə rast gəlib.