Bakı. 2 oktyabr. REPORT.AZ/ Almaniyada qadın vəfat etmiş ərinin cəsədini il yarım mənzildə saxlayıb.
"Report" xəbər verir ki, bu barədə "Dpa" məlumat yayıb.
Bildirilir ki, buna səbəb qadının ərindən ayrıla bilməməsi olub. Binanın rəhbəri polisə kişini uzun müddət görməməsi səbəbindən şübhələrin yarandığını bildirib. Mənzilə gələn hüquq-mühafizə orqanları burada kişinin cəsədini aşkar ediblər.
Məlum olub ki, 73 yaşlı dul qadın ərinin cəsədini otaqlardan birində saxlayıb. Meyit parça və kağıza bükülüb.