ABŞ-da film çəkilişləri üçün robot-kaskadyorlar hazırlanıb - VİDEO

Bakı. 30 iyun. REPORT.AZ/ Amerikanın kino mütəxəssisləri film çəkilişlərində insanlar kimi tryuklar yerinə yetirmək bacarığı olan robot hazırlayıblar.

"Report" xəbər verir ki, bu barədə "İndependent" məlumat yayıb.

Məlumata görə, "Android Stuntronics" xüsusi katapulta vasitəsilə havaya atılır və müxtəlif çevriliş hərəkətləri, saltolar edir.

Bildirilir ki, robot kaskadyorlar ilk növbədə attraksionların hissələri kimi fəaliyyət göstərəcəklər. Daha sonra ola bilsin, onları filmlərə çəkəcəklər.

Bundan əvvəl o qədər də inkişaf etdirilməmiş "Dtickman" robotu nümayiş etdirilib.