​ABŞ-da cinsi azlıqların yürüşündə atışma düşüb

Bakı. 28 iyun. REPORT.AZ/ ABŞ Ali Məhkəməsinin cinsi azlıqların nikahı ilə bağlı qərarını dəstəkləyən qrupun San-Fransiskoda keçirdiyi yürüşündə atışma baş verib.

"Report" xəbər verir ki, bu haqda NBC telekanalı məlumat yayıb.

Belə ki, həmin qanunun əleyhdarları ilə tərəfdarı olan nümayişçilər arasında dava-dalaş düşüb. Əleyhdarlardan biri tapança ilə atəş açıb, nəticədə cinsi azlığı müdafiə edənlərin 64 yaşlı nümayəndəsi yaralanıb.

Hadisə ilə bağlı polis iki nəfəri saxlayıb.