ABŞ-da 18 il əvvəl doğum evindən oğurlanmış qız tapılıb

Bakı. 14 yanvar. REPORT.AZ/ 1998-ci ildə ABŞ-ın Florida ştatındakı doğum evindən oğurlanmış Kamiya Mobli adlı qız Cənubi Karolinada tapılıb.

"Report" xəbər verir ki, bu barədə CBS teleşirkəti məlumat yayıb.

O zaman yeni doğulan uşağı Qloriya Uilyams adlı qaradərili qadın oğurlayıb. O həmin vaxt tibb işçisi geyimində olub. Qadına qarşı ittiham irəli sürülüb.

Hazırda 18 yaşlı Moblinin vəziyyəti normal qiymətləndirilir.