Yuxarı

1 milyard avroya tikilən aeroport 10 min avroya satıla bilər

7 dəfə hərraca çıxarılan aeroporta istənilən qiyməti verən olmayıb

Bakı. 19 iyul. REPORT.AZ/ Beş il əvvəl inşası 1 milyard avroya başa gələn İspaniyadakı Syudad-Real şəhərinin aeroportu 10 min avroya satıla bilər.

"Report"un BBC-yə istinadən verdiyi xəbərə görə, iki il əvvəl iflasa uğramış hava limanı əvvəlcədən 100 milyon avroya təklif olunurdu. Daha sonra qiymət 30 milyona endirildi. Lakin 7 dəfə hərraca çıxarılan aeroporta istənilən qiyməti verən olmayıb.

Sonuncu təklif Çinin Tzaneen İnternational şirkətindən daxil olub.

Növbəti 20 gün ərzində bu qiyməti üstələyən təklif daxil olmazsa Çin şirkəti hava limanının sahibi elan olunacaq.

Syudad-Real aeroportu paytaxt Madrid hava limanından təxminən 235 kilometr aralıqda tikilib. Lakin belə görünür ki, məsafəyə görə onun xidmətinə maraq göstərən olmayıb.

Hərracın qalibi müflis olan obyektin 300 milyon avroluq borcunu da qarşılamalı olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi