Nigeriyalı memar plastik butılkalardan ev tikib

Nigeriyalı memar plastik butılkalardan özünə ev tikib.

Bu barədə "Report" "Anadolu" agentliyinə istinadən xəbər verir.

Məlumata görə, xarici görkəminə və quruluşuna görə maraqlı olan ev paytaxt Abucada inşa edilib. Memar bu maraqlı addımına insanların sağlamlığını və təbiəti mühafizə istəyini səbəb göstərib.

Təbiət qoynunda inşa edilmiş maraqlı ev elektrik enerjisi və içməli su ilə təchiz edilib. Qeyd edilir ki, qeyri-adi görünüşə malik ev böyük marağa səbəb olub.

Qeyd edək ki, bu, ölkədə plastik qablardan inşa edilən ilk ev deyil. 

Xatırladaq ki, dünyanın bir sıra ölkələri yaxın illər ərzində plastik qablardan və paketlərdən istifadəyə son qoyacaqlar.