Bakı. 21 yanvar. REPORT.AZ/ ABŞ-ın Ali Məhkəməsi həbsdə olan müsəlmanların saqqal saxlamasına icazə verilməsini tələb edən Qreqori Holtun iddiasını təmin edib.
"Report" xəbər verir ki, bunadək ümumi həbsxana qaydalarına əsasən, məhbuslara 0,25 düym (5 mm) uzunluğunda saqqal saxlamaq icazəsi verilirdi.
Lakin Holt bir müsəlman olaraq ən azı bir santimetr uzunluğunda saqqal saxlamaq hüququnun olduğunu təkid edirdi.
Məhkəmə qərara alıb ki, mövcud məhdudiyyət Holtun din azadlığı ilə bağlı konstitusiya hüquqlarını pozur və onun, həmçinin onunla eyni dinə etiqad edənlərin daha uzun saqqal saxlamasına icazə verib.