Yuxarı
    Bağlamaq

    Yunanıstanın BVF krediti üzrə ödəniş etmək imkanı yoxdur

    Yunanıstanın iyunun 5-də vaxtı bitən Beynəlxalq Valyuta Fondunun krediti üzrə ödəyə bilmir

    Bakı. 24 May. REPORT.AZ/ Yunanıstanın iyunun 5-də vaxtı bitən Beynəlxalq Valyuta Fondunun krediti üzrə ödəniş etmək imkanı yoxdur.

    "Report"un BBC-yə istinadən verdiyi xəbərə görə, ölkənin Daxili İşlər nazirinin sözlərinə görə xəzinədə ödəniş etmək üçün pul qalmayıb.

    "Beynəlxalq Valyuta Fondu 1,6 milyard avro pul ödəməlidi, ödəniş edilməyəcək, pul yoxdur", - Nikos Vutsis yerli televiziya kanalının efirində deyib.

    Yunanıstan beynəlxalq kreditorlarla yeni maliyyə yardımı proqarmı ilə bağlı danaşıqlar aparmağa və ölkənin üzərinə düşən borc yükünü yüngülləşdirməyə çalışır.

    Bundan əvvəl BBC-ə müsahibəsində Maliyyə naziri Yanis Varufakis bildirmişdir ki, beynəlxalq kreditorlarla danışıqlarda Yunanıstan güzəştə gedib və qarşı tərəfin də güzəştlər edəcəyinə ümid edir.

    O, əlavə edib ki, ölkənin avrozonadan çıxması Yunanıstan üçün "faciə" olardı, lakin eyni zamanda bu vahid avropa valyutasının da sonu demək olacaq.

    İyun ayının əvvəlinədək Afina borcların ödənməsinə beynəlxalq kreditorlardan möhlət ala bilməsə, ölkə defolt vəziyyətinə düşə bilər.

    Yunanıstanın ümumi borcu hazırda 323 milyard avro təşkil edir, bu isə ÜDM-in 175 faizini təşkil edir.

    Aİ-də 2010-cu ildə maliyyə böhranı başlanandan Yunanıstanda iqtisadiyyat 25% azalıb, gənclər arasında işsizlik isə 50% təşkil edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi