Yuxarı
    Bağlamaq

    Yaxın 25 ildə dünyada ilk dollar trilyonçusu yaranacaq

    Dünya əhalisinin 1%-nin sərvəti qalanların pulundan çoxdur

    Bakı. 16 yanvar. REPORT.AZ/ Dünyanın ilk dollar trilyonçusunun qlobal sərvətin paylanması prosesində artan bərabərsizlik fonunda yaxın 25 ildə yaranacağı bildirilir. 

    "Report"un "Lenta.ru" saytına istinadən verdiyi xəbərə görə, bunu "Oxfam" beynəlxalq xeyriyyəçilik təşkilatı bildirib.

    Təşkilatın araşdırma hesabatında həmçinin qeyd olunub ki, hazırda dünya əhalisinin 1-nin şəxsi sərvəti qalan 99%-in toplam sərvətindən çoxdur. Planetin 8 ən zəngin biznesmeninin sərvəti 3,6 mlrd. dollar və ya dünya əhalisinin yarısının sərvətinə bərabərdir. Vergidən yayınmalar bərabərsizliyin yaranmasında əsas amil hesab edilir. İnkişaf etməkdə olan ölkələrin iri şirkətlərinin vergidən yayınmaları ildə 100 mlrd. dollara çatır.

    Hesabata əsasən, İngiltərənin FTSE-100 birja indeksinə daxil olan hər hansı bir şirkətin baş direktorunun maaşı Banqladeşdəki 10 000 işçinin məcmu maaşına bərabərdir. "Oxfam"ın bildirdiyinə görə, son 30 ildə ABŞ əhalisinin yarısının əmək haqqı artmadığı halda, ölkənin ən zəngin insanlarının 1%-nin gəlirləri 300% artım göstərib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi