Yuxarı

"YapıKredi Bank Azərbaycan"ın səhmdarı "Commerzbank"ı almaq istəyir

"YapıKredi Bank Azərbaycan"ın səhmdarı "Commerzbank"ı almaq istəyir

İki bankın məcmu aktivləri 1,4 trln. avo təşkil edir
© Report

Bakı. 21 sentyabr. REPORT.AZ/ İtaliyanın ən böyük bankı olan "UniCredit" Avropada strateji ortaqlıq planı çərçivəsində səhmlərinin 15%-i dövlətə məxsus olan Almaniya "Commerzbank"ını almaq istədiyini bildirib.

"Report" "Reuters"ə istinadən xəbər verir ki, hazırda bu iki bankın aktivlərinin toplam həcmi 1,4 trln. avro (1,67 trln. dollar) təşkil edir. Agentlik ortamüddətli perspektivə alqı-satqı əməliyyatının həyata keçiriləcəyini bildirir.

Qeyd edək ki, "UniCredit" 2016-cı ili 891 mlrd. avro (1,06 trln. dollar) məcmu aktivlər və 11,8 mlrd. avro (14 mlrd. dollar) zərərlə yekunlaşdırıb. Ötən il Bank 14 min işçisini ixtisar edib və 900 şöbəsini bağlamaq məcburiyyətində qalıb. "Commerzbank" isə ötən ili 480 mlrd. avro (571 mlrd. dollar) məcmu aktivlər və 1,4 mlrd. avro (1,67 mlrd. dollar) mənfəətlə tamamlayıb.

Xatırladaq ki, "UniCredit " bankı Azərbaycanda fəaliyyət göstərən "YapıKredi Bank Azərbaycan" QSC-nin səhmdarlarından biridir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi