Yuxarı
    Bağlamaq

    Yanvar ayında əhaliyə xalis dollar satışı 3 dəfə artıb

    Dollara tələb son 3 ayda ilk dəfə artıb

    Bakı. 11 mart. REPORT.AZ/ Azərbaycanda fəaliyyət göstərən kommersiya bankları tərəfindən bu ilin yanvar ayında nağd xarici valyuta ilə mübadilə əməliyyatları çərçivəsində əhaliyə 63,28 mln. ABŞ dollarının xalis satışı həyata keçirilib. "Report" Mərkəzi Bankın hesabatına əsasən xəbər verir ki, dekabr ayında xalis satış 20,36 mln. dollar təşkil edib. Aylıq müqayisədə xalis dollar satışı 3,1 dəfə artıb. Noyabr ayında isə əhaliyə xalis dollar satışının həcmi 49,54 mln. dollar olub.

    Qeyd edək ki, 2016-cı ildə kommersiya banklarının əhaliyə xalis dollar satışı 445,44 mln. dollar olub.

    Keçən ilin yanvarında isə bankların əhaliyə xalis dollar satışı 173 440,5 mln. dollar olub. Bununla da cari ilin yanvar ayında əhaliyə xalis dollar satışı illik müqayisədə 2,7 dəfə azalıb.

    "Report"un analitik qrupu qeyd edir ki, bankların nağd xarici valyutanın xalis satıcısı olmasına səbəb Azərbaycan manatının yanvar ayında ABŞ dolları ilə müqayisədə zəifləməsi ilə bağlıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi