Yuxarı
    Bağlamaq

    ​Vergilər Nazirliyində yeni rəis təyinatları olub

    Beynəlxalq münasibətlər və maliyyə institutlarında vergi monitorinqi baş idarəsinin rəisi vəzifəsinə vergi xidməti müşaviri Orxan Musayev gətirilib

    Bakı. 20 fevral. REPORT.AZ/ Vergilər Nazirliyində növbəti struktur dəyişiklikləri aparılıb. "Report"un məlumatına görə, nazirliyin Beynəlxalq münasibətlər və maliyyə institutlarında vergi monitorinqi baş idarəsinin rəisi vəzifəsinə vergi xidməti müşaviri Musayev Orxan Azad oğlu gətirilib. Bu vəzifədə vergilər nazirinin müşaviri Ələkbər Comərd oğlu Məmmədov çalışırdı. 

    Həmçinin, Vergilər Nazirliyinin struktur vahidlərində də dəyişiklik edilib və nazirliyin struktur vahidlərinə İqtisadi təhlil və sahibkarlıq subyektlərinin dövlət qeydiyyatı idarəsi və Vergi auditi və operativ nəzarət idarəsi də daxil edilib.

    Bundan əlavə, Vergilər Nazirliyinin strukturunda yeni Vergi risklərinin təhlili və nəzarəti baş idarəsi yaradılıb ki, onun da rəisi baş vergi xidməti müşaviri Vəliyev İlkin Etibar oğlu təyin edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi