Yuxarı

Vergilər naziri Naftalanda vətəndaşları qəbul edəcək

Qəbulda Naftalan şəhəri, Daşkəsən, Göygöl və Kəlbəcər rayonlarından olan vətəndaşları iştirak edə bilərlər

Bakı. 14 sentyabr. REPORT.AZ/ Sentyabrın 18-də vergilər naziri Fazil Məmmədov Naftalan şəhərində vətəndaşları qəbul edəcək. “Report” Vergilər Nazirliyinin məlumatına əsasən bildirir ki, nazir vergi ödəyicilərinə xidmət mərkəzində Naftalan şəhəri, Daşkəsən, Göygöl və Kəlbəcər rayonlarından olan vətəndaşları qəbul edəcək.

Qəbulda vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyi və inzibatçılığının tətbiqi və vergi ödəyicilərinə göstərilən xidmətlərlə bağlı müraciətlərə baxılacaq.

Qeyd edilən rayonlardan olan, qəbulda iştirak etmək istəyən vətəndaşlar Vergilər Nazirliyinin 195 Çağrı Mərkəzi, 12 saylı Ərazi Vergilər Departamenti, Gəncə şəhəri vergi ödəyicilərinə xidmət mərkəzi, Naftalan şəhəri vergi ödəyicilərinə xidmət mərkəzi vasitəsilə əlaqə saxlayıb qəbula yazıla bilərlər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi