Bakı. 29 iyun. REPORT.AZ/ Azərbaycan Əmanətlərin Sığortalanması Fondu (ADIF) ləğvedicisi olduğu “United Credit Bank” ASC qarşısında kredit öhdəliyi olan fiziki və hüquqi şəxslərə müraciət edib.
“Report”un məlumatına görə, müraciətdə bildirilib ki, Bank müştərilərə kredit ödənişini onlara yaxın ərazidə yerləşən “MilliÖN” Ödəmə Sistemi vasitəsilə həyata keçirə bilərlər.
Bunun üçün terminalın menyusundan "Bank Xidmətləri" bölməsini seçmək, ardınca “ADİF” düyməsini basmaq, şəxsiyyət vəsiqəsinin "PİN" kodu daxil etmək, məlumatı təsdiq etmək lazımdır. Bundan sonra müştəri ödəniş edəcək bankı seçərək məbləği terminala daxil etməli və "İrəli" düyməsini basaraq qəbzi terminaldan götürməlidir.