Yuxarı

​"Unibank" daha bir yenilik edib

Müştərilər Bankın məhsul və xidmətlərindən daha operativ xəbər tutacaqlar

Bakı. 29 iyun. REPORT,AZ/ "Unibank" ASC-nin "Facebook" istifadəçiləri saniyə ərzində bankın məhsul və xidmətlərindən xəbər tuta biləcəklər. Bunun üçün müştəriləri maraqlandıran məhsul və xidmətlə bağlı onlayn məsləhətçiyə sorğu yazmağa da ehtiyac yoxdur.

"Report"un Banka istinadən verdiyi xəbərə görə, sadəcə "Unibank"ın "Facebook" səhifəsinin şəxsi mesaj bölümünə haştaq işarəsi ilə istənilən məhsul və ya xidmətin qısa adı yazılmalıdır və dərhal həmin məhsulla bağlı cavab gəlir: "Məsələn, #kredit, #depozit yazaraq, ən qısa müddətdə "Unibank"ın kredit və yaxud depozit məhsulları haqda məlumat ala bilərsiniz. Bankda günün valyuta məzənnəsindən isə #valyuta yazmaqla xəbərdar ola bilərsiniz".

Qeyd edək ki, "Unibank"ın "Facebook" səhifəsi ən çox iştirakçısı olan və aktiv bank səhifələrindən biridir. Hazırda səhifə istifadəçilərinin sayı 285 min nəfəri keçib. Müştəri məmnuniyyətini öz fəaliyyətində əsas prioritetlərindən hesab edən "Unibank", müştərilərlə kommunikasiyanı gücləndirmək üçün sosial şəbəkələri əsas vasitələrdən biri hesab edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi