Yuxarı

Türkiyənin "Garanti Bank"ı Rusiya törəmə qurumunu satıb

Sövdələşmə Rusiyanın Sovkombank kommersiya bankı ilə imzalanıb

Bakı. 10 oktyabr. REPORT.AZ/ Türkiyənin aktivlərinə görə, ikinci böyük bankı olan "Garanti Bank"ı öz törəmə qurumu - "Garanti Bank-Moskva"nı Rusiyanın "Sovkombank" kommersiya bankına satıb. "Report"un "RBK" agentliyinə istinadən verdiyi xəbərə görə, "Sovkombank" törəmə türk bankının 100% səhmini 40,455 mln. ABŞ dollarına alıb. Anlaşmanın müvafiq qanunverici orqanların icazəsindən sonra tamamlanacağı bildirilir.

Xatırladaq ki, "Garanti Bank-Moskva" 1995-ci ildə təsis olunub. 2016-cı ilin sentyabr ayına Bank, "Banki.ru" portalının hesabatına əsasən Rusiya banklarının siyahısında aktivlərin böyüklüyünə görə, 278-ci yeri tutub. Bankın nizamnamə kapitalı isə 441,15 mln. rubl və ya 7,11 mln. dollar təşkil edib. Bank Əmanətlərin Sığortalanması Fondunun üzvüdür. Əsas profili isə ölkədə fəaliyyət göstərən türkiyəli korporativ müştərilərə xidmət göstərmək olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi