Yuxarı

Türkiyədə dolların məzənnəsi yeni rekord həddə yüksəlib

Report: Türk lirəsinin ucuzlaşması manata da mənfi təsir edəcək

Bakı. 28 oktyabr. REPORT.AZ/ Türkiyədə ABŞ dollarının məzənnəsi 3,12 lirə həddini keçərək növbəti tarixi maksimuma yüksəlib. 

"Report"un "Bloomberg" agentliyinə istinadən verdiyi xəbərə görə, buna səbəb ABŞ Federal Ehtiyat Sisteminin (FES) dekabr ayında uçot dərəcəsinin artıracağı ilə bağlı gözləntilərlə əlaqələndirilir. Belə ki, fyuçers kontraktlarına əsasən, dekabrda uçot dərəcəsinin artırılması ehtimalı 72,5% təşkil edir. Türk lirəsinin ucuzlaşmasına digər səbəblər arasında isə daxili siyasət və geosiyasi proseslər yer alıb. 

"KapitalFX" broker şirkətinin araşdırmaçısı Ənvər Ərkan hesab edir ki, qısa müddət ərzində dollar 3,10 TRY/USD səviyyəsindən yuxarı olacaq, sonradan onun qismən azalması və ya daha da artması mümkündür: "Lakin məzənnənin yenidən dayanıqlı şəkildə 3,03-3,05 TRY/USD diapazonuna enməsi mümkün olmayacaq".

"Report"un analitik qrupu türk lirəsinin devalvasiyasının kəskinləşəcəyi təqdirdə bu prosesin inkişaf etməkdə olan bölgə ölkələrinə də sıçraya biləcəyini proqnozlaşdırır. Nəticədə, Azərbaycan manatının da ucuzlaşması mümkündür: "Çünki Türkiyə Azərbaycanın əsas ticarət tərəfdaşlarından biridir". 

Qeyd edək ki, son günlərdə əsas idxal tərəfdaşlarımızdan olan Çin də milli valyutası - yuanın ucuzlaşdırılmasını sürətləndirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi