Türkiyədə 11 minə yaxın sürücü psixoloji və texniki testdən keçməli olacaq

Bakı. 17 iyun. REPORT.AZ/ Türkiyədə sığorta şirkətlərinin müraciəti əsasında 10 600 sürücü psixoloji və texniki testdən keçiriləcək.

“Report” türk mətbuatına istinadən xəbər verir ki, bunlar ildə 3 dəfə və ondan çox yol qəzası törədən avtomobil sahibləridir.

Sözügedən kateqoriyadan olan insanlar sığortaçıları həddindən çox xərcə saldıqları üçün onların maşın sürmək üçün psixi baxımdan normal, texniki baxımdan hazırlıqlı olub-olmadığı bir daha yoxlanılacaq. Testdən sonra problemli sürücülərə avtomobil idarə etməyə qadağa qoyulacaq, bu yolla sığorta şirkətlərinin ödənişləri qismən azaldılacaq.