Yuxarı

Türkiyə Hesablama Məhkəməsinin auditorları Azərbaycanda həmkarları ilə görüşüblər

Bakıda beynəlxalq əməkdaşlıq çərçivəsində həyata keçirilmiş layihələr və tədbirlərlə bağlı təqdimatlar edilib

Bakı. 27 may. REPORT.AZ/ Türkiyə Hesablama Məhkəməsinin 3-cü dairə rəhbəri Ahmet Kartalın rəhbərlik etdiyi 11 nəfərlik nümayəndə heyəti Azərbaycan Hesablama Palatasında olub. Hesablama Palatasının sədri Vüqar Gülməmmədovla keçirilən görüşdə gələcək əməkdaşlıq istiqamətləri müzakirə olunub.

"Report"un Palataya istinadən verdiyi xəbərə görə, Hesablama Məhkəməsinin auditorları azərbaycanlı həmkarları ilə də görüşüblər, fəaliyyət istiqamətləri üzrə fikir mübadiləsi aparılıb.

Nümayəndə heyətinə Palatanın fəaliyyətini tənzimləyən normativ-hüquqi aktlar, strukturu və nəzarət fəaliyyəti, həmçinin audit tədbirlərinin keçirilmə prosedurları ilə bağlı məlumat verilib. Hesablama Palatasının parlamentlə münasibətləri və fəaliyyətinin əsas nəticələri üzrə hazırlanan rəylər və hesabatlar barədə, beynəlxalq əməkdaşlıq çərçivəsində həyata keçirilmiş layihələr və tədbirlərlə bağlı təqdimatlar edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi