Yuxarı
    Bağlamaq

    Türkiyə bir ildə 163 mlrd. dollar xarici borc ödəyəcək

    Türkiyənin beynəlxalq ehtiyatları isə 111 mlrd. dollara bərabərdir

    Bakı 17 yanvar. REPORT.AZ/ Türkiyədə dövlət və özəl sektorun 1 dekabr 2016-cı il-1 dekabr 2017-ci il tarixləri arasında ödəyəcəyi xarici borcunun ümumi həcmi 163,3 mlrd. ABŞ dolları təşkil edəcək. "Report"un "Haberler" saytına istinadən verdiyi xəbərə görə, bu barədə Türkiyə Mərkəzi Bankının (TCMB) hesabatında məlumat verilib. 

    Hesabatda bildirilib ki, bu məbləğin 19 mlrd. dolları və ya 11,6%-i Türkiyədə yerləşən bankların və özəl sektorun müvafiq olaraq özlərinin xaricdə yerləşən şöbələrinə və törəmə şirkətlərinə borclarından ibarətdir.

    Məcmu borcun tərkibinə baxdıqda, dövlət sektorunun xüsusi çəkisinin 15,5%, TCMB-nin 0,5%, özəl sektorun isə 84% təşkil edildiyi görərik. Qısamüddətli xarici borcun 51%-i dollar, 30,6%-i avro, 15,6%-i türk lirəsi və 2,8%-nin digər valyutalardan ibarət olduğu qeyd olunub.

    Qeyd edək ki, 6 yanvar tarixinə Türkiyənin qızıl-valyuta ehtiyatları 111 mlrd. dollar təşkil edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi