Türkiyə Azərbaycana 157 mln. dollar yardım ayırıb

Bakı. 18 dekabr. REPORT.AZ/ Türkiyə 2010-2016-cı illərdə Azərbaycanın inkişafı üçün 157 mln. ABŞ dolları həcmində yardım ayırıb.

“Report” xəbər verir ki, bu barədə Türk İşbirliyi və Koordinasiya Agentliyi (TİKA) məlumat yayıb.

Məlumata görə, qeyd edilən illər ərzində rəsmi Ankara 170 ölkəyə 21 mlrd. dollar yardım ayırıb.

Bu yardımın 62%-i Suriya, 9,54%-i Afrika ölkələrinə, 5,44%-i Mərkəzi Asiyadakı türk dövlətlərinə, 4,3%-i isə Balkan ölkələrinə ayrılıb.

Məlumata əsasən, 2016-cı ildə Türkiyədən yardım alan ölkələr arasında da Azərbaycanın adı yer alıb.