Yuxarı
    Bağlamaq

    Trampın vergi islahatları ertələnə bilər

    Dollar bu xəbərlə bir qədər ucuzlaşıb© REUTERS/ Carlo Allegri

    Bakı. 8 noyabr. REPORT.AZ/ ABŞ Prezidenti Donald Trampın irəli sürdüyü vergi islahatlarına dair qanun layihəsi Senat tərəfindən hazırkı şəkildə qəbul olunmaya bilər. 

    "Report" "Washington Post" qəzetinə istinadən xəbər verir ki, konqresmenlər vergi islahatlarının 2019-cu ilədək ertələnməsini təklif edirlər.

    Qeyd edək ki, vergi islahatları ABŞ-da korporativ vergi dərəcələrinin 35%-dən 20%-ə endirilməsini nəzərdə tutur. Tramp vergi islahatlarının tezliklə həyata keçirilməsini istəsə də, onun hazırda bu işdə rəqibləri çoxdur.

    Vergi islahatlarının 2019-cu ilə kimi uzadılmasının istənilməsinə baxmayaraq, 2018-ci ildə biznes üçün bir sıra güzəştlərin tətbiqi mümkündür. ABŞ hökumətinin bu addımı şirkətlərin investisiya proqramlarını ertələməməsi və vergi dərəcələrinin azaldılmasını gözləməməsi üçün edəcəyi bildirilir. Həmçinin, şirkətlərə kapital xərclərini dərhal mənfəət vergisindən çıxması üçün şərait yaradılacaq.

    "Report" xəbər verir ki, vergi islahatlarının ertələnməsi ilə bağlı xəbər dünən axşam dolların məzənnəsinin qlobal valyuta bazarında bir qədər zəifləməsinə gətirib çıxarıb. Belə ki, 1,1555 USD/EUR olan məzənnə 1,16 USD/EUR səviyyəsinə yüksəlib. Lakin, dollarda möhkəmlənmənin davam edəcəyi proqnozlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi