Yuxarı
    Bağlamaq

    Trampın bugünkü mətbuat konfransı maliyyə bazarlarına ciddi təsir edə bilər

    İnvestorlar ABŞ iqtisadiyyatının fiskal stimullaşdırılması ilə bağlı açıqlamaları qiymətləndirəcəklər

    Bakı. 11 yanvar. REPORT.AZ/ Qlobal maliyyə bazarları bu gün, yanvarın 11-də ABŞ-ın yeni seçilmiş prezidenti Donald Trampın Bakı vaxtı ilə saat 20:00-da keçiriləcək ilk mətbuat konfransını gözləyir. 

    "Report" xəbər verir ki, maliyyə bazarları üçün bu gün keçiriləcək mətbuat konfransı yanvarın 20-də gözlənilən prezidentin inauqurasiya mərasimindən daha önəmlidir. Belə ki, bugünkü çıxışında D.Trampın vergi dərəcələrinin azaldılması və fiskal xərclərin artırılması barədə vədlərini yenidən təkrar edib-etməyəcəyi və bu qərarlar barədə bəyanatları diqqətlə izlənəcək. 

    Qeyd edək ki, 8 noyabr prezident seçkilərindən sonrakı iki ay ərzində ABŞ dolları və ölkənin fond birja indeksləri məhz Donald Trampın bu vədləri ilə kəskin artım göstərib. Bugünki mətbuat konfransında yuxarıda sadalanan vədlərlə yanaşı, Rusiya ilə münasibətlər, Çinlə ticarət əlaqələrinin gələcəyi, "Obamacare" adlanan səhiyyə islahatları ilə bağlı sualların cavabı maliyyə bazarları tərəfindən qiymətləndiriləcək.

    "Report"un analitik qrupu bugünkü mətbuat konfransından sonra dolların məzənnəsinin, fond indeksləri və xammal qiymətlərinin ciddi dəyişə biləcəyini proqnozlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi