Yuxarı

"Texnikabank"ın yeni loqo və şüarı təsdiqlənib

Bank əvvəlki rəng çalarlarını qaytarıb

Bakı. 16 dekabr. REPORT.AZ/ Təkrar rebrendinq həyata keçirən “Texnikabank” ASC (keçmiş "Bank Technique") yeni loqotip və şüarını təqdim edib. "Report"un Banka istinadən verdiyi xəbərə görə, loqo özündə Bankın adını təcəssüm etdirir və birinci hərfləri birləşdirməklə kompozisiya yaradır. Hərflərin bir-birinə hörülməsi bank mexanizminin dəqiq işləməsinə və müasir, texnoloji olmasına işarə edir.

"Əvvəlki rəng çalarlarının (əsas rəng - tünd yaşıl, köməkçi rəng - firuzəyi) istifadəsi Bankın ənənələrinə sadiqliyi ilə yanaşı təmkinliyi, etibarlılığı nümayiş etdirir. Yeni sloqan - “Ən etibarlı bank” isə “Texnikabank”ın nüfuzunun yenidən qaytarılmasını bildirir", - deyə Bankdan bildirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi