Yuxarı
    Bağlamaq

    ​“Texnikabank”a tələbləri olan kreditorlara xəbərdarlıq edilib

    Bankın müflis elan olunması borclu şəxslər tərəfindən borcların ödənilməməsinə əsas vermir

    Bakı. 19 fevral. REPORT.AZ/ Ləğv prosesində olan “Texnikabank” ASC-yə tələbləri olan kreditorlara bildirilir ki, tələblərinin qeydiyyata alınması üçün aprelin 15-dək ləğvedici şirkət “M.M.M. PerfektKonsaltinq” MMC-ə (Xətai ray., Babək pr. 16) müraciət edə bilərlər.

    "Report"un verdiyi xəbərə görə, bu barədə Bankın yaydığı məlumatda bildirilir.

    Banka borcu (krediti) olan və vaxtında ödənişləri həyata keçirməyən fiziki və hüquqi şəxslərə qarşı qanunvericiliklə nəzərdə tutulmuş qaydada lazımi tədbirlər görüləcək. Bankın müflis elan olunması borclu şəxslər tərəfindən borcların ödənilməməsinə əsas vermir.

    Qeyd edək ki, Azərbaycan Respublikası 1 saylı Bakı İnzibati-İqtisadi Məhkəməsinin 10 fevral 2016-cı il tarixli qərarı ilə Texnikabank ASC müflis elan edilib və iflas proseduruna başlanılıb. “M.M.M. PerfektKonsaltinq” MMC ləğvedici təyin edilib. Qərar dərhal icraya yönəldilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi