Yuxarı
    Bağlamaq

    Tbilisidə MDB ölkələrinin istiqraz konqresi keçiriləcək

    Tədbirdə Azərbaycanın istiqraz bazarı da müzakirə olunacaq

    Bakı. 7 mart. REPORT.AZ/ İyunun 16-17-də Tbilisidə (Gürcüstan) MDB və Baltikyanı ölkələrin XIII İstiqraz Konqresi keçiriləcək. "Report"un məlumatına görə, konqresin sponsorları arasında "Paşa Bank"ın Gürcüstan nümayəndəliyi də yer alıb.

    Tədbirdə müzakirə olunacaq əsas məsələlər inkişafda olan ölkələrin borc bazarının hazırkı vəziyyəti və inkişaf perspektivləri mövzusuna həsr olunacaq.

    Toplantıda MDB ölkələrinin makroiqtisadi inkişafı və maliyyə bazarlarının perspektivləri araşdırılacaq, investorlar arasında müzakirələr aparılacaq, habelə, Azərbaycan, Gürcüstan, Ermənistan, Ukrayna, Qazaxıstan və digər ölkələrin istiqraz bazarları haqqında təqdimatlar olacaq və fikir mübadiləsi aparılacaq. 

    Qeyd edək ki, konqresə qeydiyyat martın 7-dən başlayır və iştirak haqqı 38 min rubl, MDB ölkələrindən olan nümayəndələr üçün isə 24 min rubl təşkil edir. Aprelin 16-na qədər qeydiyyatdan keçənlər isə 10%-lik güzəşt əldə edəcəklər.

    Tədbirdə iştirak etmək istəyənlər http://cbonds-congress.com/events/311/registration/ saytına daxil ola bilərlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi