Yuxarı

​Tahir Budaqov: "Tədricən ölkələr arasında metodikalar və hesablama qaydası unifikasiya olunmalıdır"

O, xarici ticarət əlaqələri ilə bağlı statistik göstəricilərin ölkələr arasında fərqli olmasının səbəbinin metodika ilə əlaqədar olduğunu deyib

Bakı. 20 oktyabr. REPORT.AZ/ "Xarici ticarətlə bağlı statistik məlumatları bizə mərkəzləşdirilmiş qaydada Dövlət Gömrük Komitəsi verir. Yəni, Dövlət Statistika Komitəsi bu istiqamətdə hər hansı müşahidə aparmır". "Report"un xəbərinə görə, bunu jurnalistlərə açıqlamasında Dövlət Statistika Komitəsinin sədri Tahir Budaqov deyib.

T.Budaqov xarici ticarət əlaqələrilə bağlı statistik göstəricilərin ölkələr arasında fərqli olmasının səbəbinin metodika ilə əlaqədar olduğunu deyib: "Bu məsələ bütün ölkələrdə mövcuddur. Bu fərq metodika ilə əlaqədar ola bilər. Bəzi ölkələrdə tranzit yüklər qeydə alınmır, bəzi ölkələr isə onu qeydə alır. Amma hər halda bu məsələ BMT-nin Statistika Komissiyasının və MDB-nin Statistika Komitəsinin diqqətindədir. Tədricən ölkələr arasında metodikalar və hesablama qaydası unifikasiya olunmalıdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi